fbpx

Hədəf STEAM Liseyində Qurtuluş Gününə həsr olunmuş EFMF-2021 – Elm, Faydalılıq, Mühəndislik Festivalı keçiriləcək

Hədəf STEAM Liseyində Qurtuluş Gününə həsr olunmuş EFMF-2021 – Elm, Faydalılıq, Mühəndislik Festivalı keçiriləcək
Hədəf STEAM Liseyinin Abşeron filialında 15 iyun Milli Qurtuluş Gününə həsr olunmuş EFMF-2021 – Elm, Faydalılıq, Mühəndislik Festivalı keçiriləcək.
Azərbaycan Respublikasının Prezidenti cənab İlham Əliyevin təhsilə göstərdiyi diqqət və qayğının nəticəsində dünyada baş verən texnoloji yeniliklərin ölkəmizə gətirilməsi ilə bağlı təşəbbüslər daim dəstəklənir. Hədəf STEAM Liseyi də bu siyasəti əsas götürərək öz fəaliyyətində mühəndislik və texnoloji yeniliklərin ölkəmizə gətirilməsinə, şagirdlər arasında təbliğ olunmasına çalışır. Yeni dünyanın qaydalarına uyğun olaraq bilgili, zəki, ölkəmiz üçün texnoloji yenilikləri mənimsəmiş nəsil yetişdirmək liseyin əsas məqsədidir.
“Hədəf Liseyi MMC”nin təhsil fəlsəfəsi STEAM (Science, Technology, Engineering, Art, Math) konseptinə əsaslanır. STEAM şagirdlərin interaktiv və inteqrasiya halında, toxunaraq və bilavasitə iştirak edərək öyrənmələrini nəzərdə tutur.
Artıq ikincisi keçiriləcək festival Hədəf STEM Liseyi müəllimlərinin lisey balabilgələri və ailələri ilə bir il ərzində hazırladıqları layihələr əsasında baş tutur. Hədəf mühəndislik liseyidir və hər ilin sonunda balabilgələr hesabat xarakterli layihələrini özləri təqdim edir, elmin yaşamımız üçün faydalılığından danışırlar.
“Uşaqlarımızı cənab Prezident İlham Əliyevin “İKT sahəsində Azərbaycan, doğrudan da, son illər ərzində böyük uğurlar əldə edib. Bu, həm biznes, həm zəka, intellekt sahəsidir. Eyni zamanda, innovasiya və şəffaflığa təkan verən, xidmət göstərən bir sahədir. Biz bu imkanlardan daha da geniş şəkildə istifadə etməliyik…” fikirləri ilə böyütməli, onları Azərbaycanımızın gələcəyinə hazırlamalıyıq. Bunun üçün də profil olaraq mühəndislik və texnologiyanı seçmişik” – deyə, liseyin qurucu direktoru Şəmil Sadiq bildirib.
Bunun nəticəsi olaraq 15 iyun tarixində yüzdən çox fərdi şəkildə hazırlanmış faydalı mühəndislik avadanlıqlarının sərgilənməsi ilə yanaşı, “Eduhek” şirkətinin təqdimatında dünyanın məşhur təhsil texnologiyaları avadanlıqları istehsal edən Çinin “Makeblock” və “Flahsforge”, Almaniyanın “Fishertechnik”, Koreyanın “Matatalab”, Türkiyənin “Emkotech” şirkətinin STEAM və Robotiks avadanlıqlarının sərgisi də təşkil ediləcək. EFMF-2021 “Özün düzəlt ART” və “Özün düzəlt STEM” əsasında təşkil olunacaq.
Bundan əlavə, sərgidə Hədəf Liseyinin nəzdində yerləşən İnteraktiv Elm Muzeyinin eksponatları nümayiş olunacaq. Sərgi iştirakçıları, eyni zamanda “Hədəf Nəşrləri” və “Xan” nəşriyyatının kitablarını endirimli qiymətlərlə əldə edə biləcəklər.
Açıq havada keçiriləcək EFMF-21 sərgisində ailələr övladları ilə gələ, iştirak edə, “Gör, Toxun, Et” prinsipi ilə əylənə və öyrənə bilər.
Ünvan: Hədəf STEM Liseyi, Abşeron filialı, Masazır qəs., “Bağçalı evlər” yaşayış kompleksi
Tarix: 15 iyun 2021-ci il
Saat: 15.00
Bir 2 kişi görseli olabilir

Hədəf STEM

Hədəf STEM Liseyi, qurucu atalarımızın çağdaşlaşma məqsədlərinə töhfə vermək məqsədiylə Hədəf Şirkətlər Qrupunun təsis etdiyi təhsil müəssisəsidir.
2017-03-13T11:54:16+04:00
Hədəf STEM Liseyi, qurucu atalarımızın çağdaşlaşma məqsədlərinə töhfə vermək məqsədiylə Hədəf Şirkətlər Qrupunun təsis etdiyi təhsil müəssisəsidir. 2017-03-13T11:54:16+04:00 http://hedefliseyi.edu.az/testimonials/hedef-stem