Bütün istilik mühərrikləri kimi Stirling mühərrikləri də qızdırıcı, işçi cisim və soyuducudan ibarətdir. Stirling mühərriklərində işçi cisim kimi hava və yaxud hər hansı bir qaz götürülür, işləmə prinsipi qazların istidən genişlənib soyuqdan sıxılmasına əsaslanır. Alfa, betta və qamma tipi olaraq üç növə ayrılır. O cümlədən işləmə temperaturu nöqteyi nəzərindən də aşağı temperaturlu və yuxarı temperaturlu olmaqla iki yerə ayrılır.