Özəllikllərimiz

Hədəf liseyində qidalanma

Hədəf Liseyində balabilgələrimiz təmizlik və gigiyenik normalara diqqət edərək ekoloji təmiz məhsullardan hazırlanmış, qida rasionu diqqətlə balanslaşdırılmış qəlyanaltı və naharla təmin olunurlar.

Hədəf liseyində geyim

Hədəf Liseyi olaraq çıxdığımız yolda gələcəyimiz olan uşaqların sağlam bədənə və sağlam düşüncəyə sahib olmaları bizim əsas hədəfimizdir. Düşünürük ki, balabilgələrimizin geyimləri də onların bir fərd, bir şəxsiyyət kimi formalaşmalarına necə yanaşdığımızı özündə əks etdirməlidir.

Təhsilimiz üçpilləli olduğu üçün biz də balabilgələrin geyim tərzini Hədəf Konseptinə uyğun olaraq bu pillələrə fərqləndirdik:

1. Məktəbəqədər və ibtidai siniflərdə balabilgələrimizin geyimlərinin sərbəst olmasının tərəfdarıyıq. 6-10 yaşlı uşaqların dünyaya baxışlarında rənglərin əhəmiyyəti olduqca böyükdür. Bu yaşda onlar rəngarənglikdən uzaq tutulmamalıdır. Bununla belə, liseyimizdə çalışan psixoloq və müəllim heyəti balabilgələrimizin forma və rəngləri ilə diqqət yayındıracaq qədər ifrata varan və sağlamlıqlarına zərərli ola biləcək (nazik və sintetik parçadan olan geyimlər, rahat olmayan ayaqqabılar kmi) geyimlərdən istifadə etməmələri üçün monitorinq aparıb təkliflər verəcəklər. Bu istisnalar xaric olmaqla, 6-9 yaşlı balabilgələrimizin geyimləri sərbəst olacaq.
2. 10-14 (5-8 ci siniflər) yaşlı balabilgələrimiz üçün forma liseyimiz tərəfindən təqdim olunur, formada mavi və ağ rənglər üstünlük təşkil edir. Ancaq bu yaş qrupundakı balabilgələrimizə hər ayın son həftəsinin 5-ci günü  sərbəst geyim haqqı veriləcək. Burada məqsəd balabilgələrdə geyim zövqünün formalaşmasına mane olmamaqdır.
3. 14-16 yaşlı (9-11 ci siniflər) balabilgələrimiz üçün forma liseyimiz tərəfindən təqdim olunur. Bu yaş qrupu üçün formalar bir öncəki qrup üçün olan formalardan nisbətən fərqlidir. Bu yaş qrupundakı balabilgələrimizə də hər ayın son həftəsinin 5-ci günü sərbəst geyim haqqı verilir.

Formalarımızın rəng və dizaynlarına tanınmış psixoloq və modelyerlərlə məsləhətləşərək qərar veririk.

Nəqliyyat

Hədəf Liseyində balabilgələrimizin məktəbə və evə aparılıb-gətirilmələri üçün nəqliyyat xidməti mövcuddur. Müasir standartlara cavab verən, etibarlı və güvənilir nəqliyyat şirkətləri ilə əməkdaşlıq edirik. Şirkətin sürücü heyəti imtahandan keçirilərək seçilir. Nəqliyyat vasitələri GPS, kamera və mobil telefonla təchiz olunur. Servis avtobuslarında balabilgələr bələdçi müəllimlər tərəfindən müşaiyət olunur və onlar təhlükəsizlik qaydalarına əməl olunmasına nəzarət edirlər.

Əraziyə görə servis xidmətinin qiyməti 150-200 AZN arası dəyişir.