Güzəştli təhsil

Hədəf STEAM Liseyində təhsil haqqı güzəştləri

“Hədəf STEAM Liseyi” MMC balabilgələrin stimullaşdırılması və təhsilinə dəstək məqsədilə təhsil haqqına güzəştlər tətbiq edir. Müxtəlif sosial qruplardan olan, həmçinin istedadlı balabilgələr aşağıdakı güzəştlərdən yararlana bilərlər:

1. Qəbul-güzəşt kampaniyası üzrə tətbiq edilən güzəştlər

Hər il aprel ayında keçirilən qəbul-güzəşt imtahanına əsasən həm liseydə təhsil alan, həm də kənardan müraciət edən balabilgələr təhsil haqqına 20 % – 100 % arası güzəşt əldə edə bilərlər.

Qəbul-güzəşt imtahanının nəticəsinə əsasən:

1. a) 91 % – 100 % nəticə göstərən balabilgələr – 100 % güzəşt;
2. b) 81 % – 90 % nəticə göstərən balabilgələr – 70 % güzəşt;
3. c) 71 % – 80 % nəticə göstərən balabilgələr – 50 % güzəşt;
4. d) 51 % – 70 % nəticə göstərən balabilgələr – 20 % güzəşt qazanırlar.
5. Qarabağ müharibəsi iştirakçıları, qazi və şəhid övladlarına tətbiq edilən güzəştlər
6. a) Vətən müharibəsi şəhidləri övladlarının təhsil haqqına 100 % güzəşt edilir.
7. b) Vətən müharibəsi qaziləri övladlarının təhsil haqqına 30 % güzəşt edilir.

Bu güzəştlər sadəcə “YAŞAT” Fondu vasitəsilə tətbiq olunur.

3. Hədəf Şirkətlər Qrupunda çalışanlar üçün tətbiq edilən güzəştlər

Üç və daha artıq tədris ili ərzində Hədəf Şirkətlər Qrupuna daxil olan istənilən şirkətdə fəaliyyət göstərən əməkdaşların övladları üçün 40 %, 3 ildən az çalışan əməkdaşların övladları və ya qardaş-bacıları üçün 30 % güzəşt tətbiq edilir.

4. Bir ailədən bir neçə şagird təhsil alarsa, tətbiq edilən güzəştlər

Bir ailədən (sadəcə qardaş-bacı) ikinci uşağa görə 10 %, üçüncü və daha çox uşağa görə hərəsinə 15 % güzəşt edilir. Təhsil alanların təhsil haqları arasında fərq olduqda endirim ən aşağı təhsil haqqına uyğunlaşdırılır.

5. Məzunlar üçün tətbiq edilən güzəştlər

Hədəf Şirkətlər Qrupunun (kurs və lisey) məzunlarının övladlarına 10 % məzun endirimi olunur. Məzun endirimindən istifadə etmək üçün məzun olduğunu təsdiq edən sənəd və ya məzun olduğu filialın rəhbərinin rəyi təqdim edilməlidir.

6. İstedada görə tətbiq edilən güzəştlər

Respublika fənn/layihə olimpiadalarında və beynəlxalq fənn/layihə olimpiadalarında ilk üç yeri tutmuş mərkəzin cari şagirdlərinin (növbəti dərs ilindən başlamaqla) və ya yeni müraciət edən şagirdlərin illik təhsil haqqına aşağıdakı qaydada endirim və güzəştlər tətbiq olunur:

a) Beynəlxalq olimpiadalarda ilk 3 yer tutmuş şagirdlərə:

Beynəlxalq riyaziyyat olimpiadası (IMO); Beynəlxalq Balkan riyaziyyat olimpiadası (yuxarı yaş qrupu) (BMO); Avropa qızlar riyaziyyat olimpiadası (EGMO); Beynəlxalq fizika olimpiadası (IPHO); Avropa fizika olimpiadası (EUPHO); Asiya fizika olimpiadası (APHO); Beynəlxalq kimya olimpiadası (ICHO); Beynəlxalq Mendeleyev kimya olimpiadası; Beynəlxalq biologiya olimpiadası (IBO); Beynəlxalq informatika olimpiadası (IOI)

I yer – 100 %

II yer – 70 %

III yer – 50 %

b) Respublika olimpiadalarında ilk 3 yer tutmuş şagirdlərə:

Respublika fənn olimpiadası (RFO)

Respublika fənn müsabiqəsi (RFM)

I yer – 100 %

II yer – 70 %

III yer – 50 %

c) Beynəlxalq müsabiqələrin final mərhələsində ilk 3 yer tutmuş şagirdlərə:

SEAMO, PIMSO, SIMSO, WMI, GMEC, TEENEAGLE

Həmçinin Lütfi Zadə adına Məntiq Olimpiadası

I yer – 60 %

II yer – 40 %

III yer – 20 %

d) Beynəlxalq müsabiqələrin seçim mərhələsində ilk 3 yer tutmuş şagirdlərə:

SEAMO, PIMSO, SIMSO, WMI, GMEC, TEENEAGLE

I yer – 50 %

II yer – 20 %

III yer – 10 %

e) Respublika STEAM müsabiqələrində ilk 3 yer tutmuş şagirdlərə:

SAF – STEAM, SABAHIN ALİMLƏRİ, AZERCELL CUP

I yer – 70 %

II yer – 50 %

III yer – 30 %

f) Fənnlərin Dostluğu Olimpiadası (FDO) qaliblərinin güzəştləri hər il müsabiqədən öncə müəyyən edilir.

Hədəf güzəşti

1. a) Hədəf Kursları və ya Balabilgə Uşaq Bağçasının məktəbəqədər hazırlığından gələn şagirdlərə 10% güzəşt tətbiq edilir.
2. b) Hədəf Kurslarında təhsil alıb, heç bir güzəştə düşməyən şagirdlər təhsilini Hədəf Liseyində davam etdirmək istərlərsə, 10 faiz güzəşt tətbiq edilir.

Valideynini itirən şagirdlər üçün tətbiq edilən güzəştlər

Valideynlərindən birini itirmiş şagirdlər üçün 10 %, hər iki valideynini itirmiş şagirdlər üçün 20 % güzəşt tətbiq edilir.

Əməkdaşlıq üçün tətbiq edilən güzəştlər

Hədəf Şirkətlər Qrupu ilə əməkdaşlıq müqaviləsi bağlamış şirkətlərin çalışanları həmin şirkətin arayış və niyyət məktubunu təqdim etdikləri halda həmin şəxslərin övladlarına 10 % güzəşt tətbiq edilir.

Birdəfəlik ödəniş üçün tətbiq edilən güzəştlər

İllik təhsil haqqı tam və ya hissə-hissə ödənilə bilər. Birdəfəlik tam ödənişlərə 5 % güzəşt tətbiq edilir.

Erkən qeydiyyat üçün tətbiq edilən güzəştlər

Sadəcə 1-ci siniflərə şamil olunur. 1 may tarixinə qədər qeydiyyatdan keçənlərə 10 % erkən güzəşt tətbiq olunur.

QEYD:

• Heç bir halda güzəştlər toplanılmır. Ən yüksək güzəşt tətbiq edilir.
• Bütün güzəştlər sadəcə təhsil haqqı güzəştinə tətbiq edilir.
• Olimpiadada sadəcə fərdi şəkildə qazanılan qalibiyyətlər nəzərə alınır.
• Hansısa müsabiqə və ya bilik yarışları olimpiada statusu daşımır.
• Hədəf STEAM Liseyində təhsil aldığı ildən asılı olmayaraq güzəşt cari ilin təhsil haqqı üzərindən hesablanılır.
• 40-100 % güzəşt əldə etmiş şəxslərin ödənişi birdəfəlik ödənilir, hissələrə bölünmür və geri qaytarılmır.
• Bütün güzəştlər layihənin elan olunduğu tarixlərdə keçərlidir.

* İstedad və qəbul güzəşti istisna olmaqla digər güzəştlərin cəmi 20 %-i aşmamalıdır.