Hədəf STEAM Liseyində “Pedaqoji-Praktiki Seminar – 17” yekunlaşdı!

Hədəf STEAM Liseyində “Pedaqoji-Praktiki Seminar – 17” yekunlaşdı!

25 – 28 avqust 2025-ci il tarixlərində Hədəf STEAM Liseyinin Abşeron filialı – Qurtuluş korpusunda keçirilən “Pedaqoji-Praktiki Seminar – 17” uğurla başa çatdı. Seminarın əsas məqsədi işə yeni qəbul olunan pedaqoji heyətin peşəkar inkişafını dəstəkləmək, müəllimlərin təcrübəsini artırmaq və təhsildə keyfiyyətin daha da yüksəldilməsinə nail olmaq idi.

Dörd gün davam edən seminar çərçivəsində müxtəlif mövzular üzrə təqdimatlar və panel müzakirələri keçirildi:

• “Hədəf Konsepti” və “Hədəf Şirkətlər Qrupu”nun təqdimatı;
• “Hədəf”də etik kodeks və pedaqoji yanaşmalar;
• Oxu vərdişləri, müasir təhsil modelləri və aktiv öyrənmə üsulları;
• Hədəfdə qiymətləndirmə və STEAM yanaşmaları;
• Valideynlərlə effektiv ünsiyyət, müəllim – balabilgə – valideyn əməkdaşlığı.

Seminar çərçivəsində təşkil olunan panel sessiyaları isə müəllimlərin bilik və bacarıqlarını daha da inkişaf etdirməyə yönəldi:

• Hədəf Hazırlıq Məktəbində tədris proqramları;
• İngilisdilli təhsil;
• Bağça modelləri və kafedra iclasları;
• Texniki heyət üçün praktik bacarıqlar.

Sonuncu gün Pedaqoji Şura ilə yekunlaşan seminar, Hədəf STEAM Liseyinin pedaqoji heyəti üçün məhsuldar və zəngin təcrübə oldu.