Условия приема в Лицей "Hədəf" STEAM

Hədəf STEAM Liseyində 2026–2027-ci tədris ilində təhsil almaq istəyənlər üçün 19 aprel tarixində qəbul imtahanı keçiriləcək. İmtahan 4–10-cu siniflərdə oxuyan (5–11-ci siniflərə qəbul olmaq istəyən) şagirdlər üçün Azərbaycan bölməsi üzrə nəzərdə tutulur.

İmtahan nəticələrinə əsasən Azərbaycan dilində təhsilin təşviqi və istedadlı şagirdlərə dəstək məqsədilə güzəştlər tətbiq ediləcək.

Qəbul-güzəşt imtahanı 3 fənn üzrə keçirilir:

Azərbaycan dili – 30 sual;

Riyaziyyat – 30 sual;

İngilis dili – 30 sual.

IV – VII siniflər üzrə suallar şagirdin təhsil aldığı tədris ili mövzularını 60 %, öncəki illərin mövzularını 40 % əhatə edir. VIII–X siniflər üçün imtahan mövzuları DİM-in buraxılış imtahanı proqramları əsasında müəyyən edilir.

İmtahan müddəti 180 dəqiqə nəzərdə tutulur.

Qəbul-güzəşt imtahanının nəticəsinə əsasən:

1. Hər sinif üzrə 1-ci yer (90 % + nəticə göstərən balabilgələr arasında) – 100 % güzəşt;
2. Hər sinif üzrə 2-ci yer (80 % + nəticə göstərən balabilgələr arasında) – 70 % güzəşt;
3. Hər sinif üzrə 3-cü yer (80 % + nəticə göstərən balabilgələr arasında) – 50 % güzəşt;
4. Hər sinif üzrə 4-cü yer (70 % + nəticə göstərən balabilgələr arasında) – 30 % güzəşt;
5. Hər sinif üzrə 5–6-cı yerlər (70 % + nəticə göstərən balabilgələr arasında) – 20 % güzəşt;
6. Hər sinif üzrə 7–10-cu yerlər (50 % + nəticə göstərən balabilgələr arasında) – 10 % güzəşt.

Güzəştlərlə bağlı əlavə qeydlər

1. Güzəştlər heç bir halda toplanılmır, ən böyük güzəşt nəzərə alınır. Bütün güzəştlər elmi-pedaqoji şuranın təyin etdiyi əsas məbləğlər üzərindən hesablanılır.
2. 50 %–70 % güzəşt əldə etmiş şagirdlərin ödənişləri hissələrə bölünmür, birdəfəlik ödənilir və bu zaman birdəfəlik ödəniş güzəştindən istifadə edilmir.
3. Hazırda Hədəf STEAM Liseyində təhsil alan şagirdlərin də güzəşt imtahanında iştirak etmə hüququ var və bu zaman onlarla kənar şagirdlər arasında heç bir fərq nəzərdə tutulmur.
4. Bütün güzəştlər 2026–2027-ci tədris ilinin təsdiq edilmiş təhsil ödənişi məbləği üzərindən aparılır.
5. Güzəşt imtahanında qazanılan güzəşt bir il üçün keçərlidir və hər il keçirilən güzəşt imtahanında əldə edilən bilik nəticəsinə görə təyin edilir.
6. Qazanılan güzəşt 31 may tarixinə qədər qüvvədədir. Bu müddət ərzində müqavilə bağlanılmasa, güzəşt ləğv edilir.
7. İmtahana giriş kuponunu Hədəf Liseyi və Hədəf Kursu filiallarından əldə edə bilərsiniz.
8. Güzəşt imtahanına qeydiyyat 10 fevral–17 aprel tarixlərində davam edəcək.
9. Güzəşt imtahanına giriş kuponunun qiyməti 10 AZN-dir.